Ұлттық құрама көшбасшысы Елдос Сметов (60 кг) Париж Олимпиадасының жартылай финалында әлем чемпионы, Еуропа чемпионатының үш дүркін жеңімпазы Франсиско Гарригосты (Испания) қосымша уақытта (golden score) ұтты.
Фото: Туризм және спорт министрлігі
Туризм және спорт министрлігінің мәлімдеуінше, екі татами шебері осыған дейін 4 мәрте күш сынасқан (2-2). Елдос бұл текетіресте алға шықты.
Финалда Елдос пен Лука Мхеидзе (Франция) күреседі.
Бүгін іріктеуде Сметов Торнике Чкадуаны (Нидерланд), Дильшот Халматовты (Украина), ширек финалда Токио Олимпиадасының күміс жүлдегері Янг Ю Вейді (Тайпей) жыққан.
