Тасқала аудан орталығына жерлесіміз Азон Шаймарданов өзінің командасымен келіп, шеберлік сағатын өткізді.
Аудандық мәдениет, тілдерді дамыту, дене шынықтыру және спорт бөлімі ұйымдастырған шеберлік сағатында мүмкіндігі шектеулі жандар арасында отырып ойнайтын волейболдан жолдастық кездесу де болды.
Одан бөлек «боча» ойынының әдіс-тәсілдері көрсетілді. Аталмыш іс-шарада аудандық жұмыспен қамту және әлеуметтік бағдарламалар бөлімінің басшысы Бәтима Кентоғаева келген қонақтарға сәттілік тіледі.
Паралимпиалық спорт түрлерінен шеберлік сағатын өткізген аудан қонақтары шараға қатысқандарға керемет көңіл-күй сыйлады.
Мүмкіндігі шектеулі жандардың қоғамнан тыс қалмауы жолында еңбек етіп жүрген Азон Нұрмұханұлы қолдау білдірген тасқалалықтарға алғыс айтты.
Әсет Баян
Тасқала ауданы
