Тендер беруші компания ең арзан ұсынысты таңдайтыны белгілі. Алайда арзан баға ұсынатын компаниялардың қызмет сапасы төмен болып тұр. Қаражат тапшылығы болғандықтан қызметкерлердің жалақысы көтерілмейді. Қазақстан мұнай сервистік компаниялар одағы президиумының төрағасы Рашид Жақсылықов ОКҚ брифингінде бұл компанияларға жәрдем беріп, оларға экспортқа шығуға қолдау көрсету қажеттілігін атап өтті.
Сурет: ОКҚ брифингі
Осы орайда одақ мүшелері Энергетика және Сыртқы істер министрлігімен бірлесіп, биылдың өзінде Қазақстанның 11-ге жуық компаниясына 7 мемлекеттің нарығына шығуына мүмкіндік берді.
«Біздің кәсіпорындарға тек қана Қазақстанның мүмкіндігін ғана пайдаланып даму ғана емес, дүниежүзілік экономиканың мүмкіндігін де пайдалану қажет. 2030-жылға дейін араб елдерінде 300 млрд доллар сомаға тең жұмыс атқарылмақ. Біз мұндай үлкен жобалардан құр қалмауымыз қажет. Экспорттық потенциалымызды дамыту керек», - деді спикер.
