Марокконың оңтүстік-шығыс бөлігінде нөсер жауыннан болған су тасқынынан қаза тапқандар саны 11 адамға жетті, деп жазады Анадолы агенттігі.
Сурет: Anadolu Agency / ҚазАқпарат
Қатты дауыл мен су тасқынынан Тата қаласында 7 адам, Тизнит пен Эр-Рашидиде 2 адамнан қаза тапты. Сондай-ақ Тата, Эр-Рашиди және Тарудантта 9 адам із-түзсіз жоғалды. Бұл туралы елдің ішкі істер министрлігінің өкілі Рашид эль-Халефи мәлімдеді.
Эль-Халифи соңғы екі күнде жауған жауын-шашын аймақ үшін жылдық норманың жартысына жуығын құрағанын атап өтті.
Оның айтуынша, су тасқыны салдарынан 24 үй толығымен қираған, 16-сы ішінара бүлінген, тағы 93 жол бүлінген, көлік байланысы үзілген, электр, су және телефон желілері зақымдалған.
Дереккөз: ҚазАқпарат
