Солтүстік Қазақстан облысының қылмыстық істер жөніндегі мамандандырылған ауданаралық соты зейнеткерді 13,5 жылға соттады. Оған кәмелет жасына толмаған қызбен жыныстық қатынасқа түсті деген айып тағылған еді. Бұл туралы ҚазАқпарат жазды.
Сурет: iStock
СҚО соты баспасөз қызметінің мәліметінше, 2021 жылдың наурызында және 2022 жылдың жазында С. есімді зейнеткер 16 жасқа толмаған Б. есімді қызбен жыныстық қатынасқа түскен.
Айыпталушы кінәсін мойындаудан толық бас тартса да, оның қылмысын куәгерлер әшкереледі. Сондай-ақ сот сараптамасының қорытындысы, заттай айғақтар және істің басқа да материалдары оның кінәлі екенін көрсетті.
Прокурор, зардап шегушінің өкілдері ер адамды бас бостандығынан айырып, белгілі бір қызметтермен айналысуға өмір бойына тыйым салуды сұрады.
Сот үкімімен С. Қылмыстық кодекстің 122-бабы 3-тармағының 1-бөлімі — «Он алты жасқа толмаған адаммен жыныстық қатынас немесе сексуалдық сипаттағы өзге де әрекеттер жасау» бабы бойынша 13 жыл 6 айға бас бостандығынан айырылды. Жазасын қылмыстық-атқару жүйесінің орташа қауіпсіздік мекемесінде өтейді. Сондай-ақ педагогикалық лауазымдар мен кәмелетке толмағандармен жұмыс істеуге байланысты лауазымдарды атқару құқығынан өмір бойына айырылды.
Сот үкімі заңды күшіне енген жоқ.
Жергілікті БАҚ-та сотталғанның белгілі аграрий екені айтылған.
68 жастағы Небиюла Сағындықов бес баланың әкесі, осыдан бірер жыл бұрын үлгілі отбасы ретінде республикалық «Мерейлі отбасы» байқауына қатысқан.
