Қазақстанда 14-20 қазан аралығында қандай спорттық жарыстар өтетінін Туризм және спорт министрлігінің баспасөз қызметі жазды.
Сурет: министрлік
13-20 қазан – Халықаралық тоғызқұмалақ турнирі
Халықаралық жарыс Моңғолияның Баян-Өлгей аймағында өтеді. Турнирге алты елден (Қазақстан, Ресей, Өзбекстан, Қырғызстан, Қытай және Моңғолия) 70-80 спортшы қатысады. Бұл сында ел намысын Артур Амантаев, Сымбат Нұрғалиева, Жанар Тұрмағамбетова және Бақыт Құдайбергенова қорғайды.
Өтетін орны: Баян-Өлгей аймағы
Уақыты: күн сайын 9:00-ден 18: 00-ге дейін
Кіру: тегін
13-20 қазан – Almaty Open (ATP 250)
Алматыда теннистен ерлер арасындағы АТР 250 Almaty Open турнирі өтеді. Бәсекеге Фрэнсис Тиафо, Себастьян Корда және Александр Бублик сияқты танымал теннисшілер қатысады.
• Іріктеу матчтары: 13-14 қазан
• Негізгі турнир: 14-17 қазан
• Жартылай финал: 18-19 қазан
• Финал: 20 қазан
Турнирдің ресми ашылу салтанаты: 15 қазан сағат 18:00-де Димаш Құдайбергеннің қатысуымен өтеді
Өтетін орны: «Almaty Arena», Алматы қ.
Уақыты: Күн сайын 10:00-ден 20:00-ге дейін
15 қазан – футбол: Қазақстан U21 – Шотландия U21
Футболдан U21 құрамалары арасында Еуропа чемпионатына іріктеу кезеңі. В тобында сынға түсіп жатқан Қазақстан жастар құрамасы Шотландиямен кездеседі.
Өтетін орны: Орталық стадион, Алматы қ., Абай даңғылы, 48
Уақыты: 21:00
19 қазан – Almaty Open аясында арбадағы теннистен көрме матчы
Турнирде қазақстандық спортшылардан Дінмұхамед Әлиакпаров, Айжан Бүтімбаева, Айшуақ Жетпісова және Дастан Ниязов өнер көрсетеді.
Өтетін орны: ADK теннис орталығы, Алматы қ.
Уақыты: 11:00-ден 13:00-ге дейін
Кіру: тегін
15-22 қазан – пара жеңіл атлетикадан ҚР чемпионаты
Алматы облысында пара жеңіл атлетикадан ересектер арасындағы ел біріншілігі өтеді. Жарысқа еліміздің 18 өңірінен 300 спортшы қатысады.
Өтетін орны: «Жетісу» стадионы, Алматы облысы
Уақыты: Күн сайын 10:00-ден 18:00-ге дейін
Кіру: тегін
19 қазан – «Қайрат – Тұран» матчы
Қазақстан Премьер-лигасының 23-тур аясында Алматыдағы Орталық стадионда «Қайрат» пен «Тұран» командалары кездеседі.
Өтетін орны: Орталық стадион, Алматы қ.
Уақыты: 17:00
