Батыс Қазақстан облысының Сырым ауданында су тасқынынан зардап шеккен тұрғындарға қосымша 38 тұрғын үй салынды. Бұл туралы БҚО әкімдігінің баспасөз қызметі жазды.
Алғашқы тұрғын үйлердің кілттері бір апта бұрын табысталған болатын.
Енді Жымпиты, Өлеңті және Бұлдырты ауылдарында қалған үйлердің кілттері ауыл тұрғындарына берілді.
«Бүгін жаңа қонысқа кіріп жатырмыз. Президентімізге, үй салған барша азаматтарға алғысымды білдіремін. Енді мұндай жағдай болмасын. Ауылымыз көркейе берсін», - деді жаңа қоныс иесі Жаңыл Айдарханова.
Айта кетейік, Батыс Қазақстан облысында су тасқынынан зардап шеккен тұрғындарға 889 үй салынды. Оның 451-і Орал қаласында.
Сондай-ақ, Оралдағы саяжай тұрғындарына демеушілер қаржысына екі мыңнан астам үй сатып алынды.
