Қайырымдылық айы аясында Дариян ауылдық мәдениет үйінің ұжымы еркін форматта «Disko шоу» концертін ұйымдастырды.
«Қуана алсаң – қуан, қуанта алсаң – қуант»,- демей ме дана халқымыз. Бұл игі іс-шараның мақсаты – аудандық психологиялық-педагогикалық түзету кабинеті тәрбиеленушілеріне интелектуалды ойыншықтар алуға көмек көрсету болды.
Концертте аудан көркемөнерпаздарымен бірге қала қонақтары да өнер көрсетті. Атап айтсақ, «Жібек» би ансамблі, Ермек Қали, Нұршат Губайдуллин, Әділхан Қадыров, Асылан Ислямов жиылған көрерменге керемет көңіл-күй сыйлады.
Одан бөлек, Альбина Наурызалиева, Мейірбек Жанболатұлы, «Z best»тобы, «Серікболат және Гүлнар» дуэті де халықтың шынайы ықыласына бөленді.
Концерт соңында барлық қатысушылар «Ақ сәулем» әнін қосыла шырқап, баршаны жүрек нұрымен бөлісуге үндеді.
Иә, осындай шаралар бізге бір-бірімізге көмектесудің, қолдау көрсетудің және бірліктің маңызын көрсетеді.
Динара Ғизатова
Бәйтерек ауданы
