Канаданың Лакомб қаласында кёрлингтен ерлер және әйелдер арасында Пан-Континенталь чемпионаты аяқталды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Суреттер: Спортты дамыту дирекциясы
Қазақстанның 2 командасы «В» дивизионында сынға түсті. Ерлер арасында барлығы 19 команда қатысты, соның ішінде «А» тобында 8, ал «В» тобында 11 команда. Қазақстан 10 ойынның 8-інде жеңіп, 2 кездесуде қарсыласқа жол берді. Финалда Филиппин командасына 9-3 есебімен жеңіліп, екінші орынға ие болды.
Ерлер құрамасының сапында Абылайхан Жүзбай (свип), Мадияр Қорабаев, Айдос Аллияр, Ибрагим Тастемір, Арман Иржанов ойнады.
Әйелдер арасында жалпы 16 команда сынға түсті: «А» тобында 8, «В» тобында 8 команда.
Қазақстан командасы 7 ойынның 6-ауында жеңіп, 1 кездесуде ұтылып қалды. Финалда Филиппин командасымен шеберлік байқасып, 4-10 есебімен есе жіберіп, 3-орынға тұрақтады. Команда құрамы:
Ангелина Эбауер Ангелина (свип), Тылсымай Аллиярова, Екатерина Колыхалова, Мерей Тастемір, Яна Эбауер.
