Бүгін аудан әкімінің орынбасары Серік Қайырлиев Алматы қаласында өткен Республикалық «Jaidarman junior» ойынының финалында керемет ойын өрнегін көрсетіп, І орын иеленген аудан мақтаныштары «Казталов» құрамасы және жетекшісі Нұргелді Камалиденовті қабылдады.
Қабылдауға аудандық ішкі саясат бөлімінің басшысы Айша Әбішева, аудандық мәдениет және тілдерді дамыту бөлімінің басшысы Ернар Акқалиұлы, С.Садықов атындағы мәдени-демалыс орталығының директоры Асхат Нығметов қатысты.
Аудан әкімінің орынбасары Серік Ерболатұлы Республикалық додада топ жарып, аудан намысын қорғаған жеңімпаздарды құттықтап, жылы лебізін білдірді. Сонымен қатар Орал қаласында өтетін жарыстарына сәттілік тіледі.
Кездесуде «Казталов» командасының жетекшісі Нұргелді Камалиденов команданың сахнадағы ойыны мен жетістігін айта отырып, алғысын білдіре отырып, қабылдау жасаған аудан әкімінің орынбасарына алғысын білдірді.
Мейірім Парасат,
Казталов ауданы
