Білім беру ұйымы басшыларының білім беру сапасын арттырудағы іс-тәжірибесімен бөлісу және білім беру жүйесіндегі көшбасшы-директорлардың кәсіби қоғамдастығын құру мақсатында 26-27 қараша күндері Астана қаласында «Білім берудегі көшбасшы бағдар» республикалық басқару интенсиві өткізіліп жатыр.
Интенсивке «Білім берудегі өзгерістің 1000 көшбасшысы» жобасы аясында 2024 жылы мектепке дейінгі білім беру, орта білім беру, техникалық және кәсіптік білім беру ұйымдарынан резервтегі көшбасшы кадрлар қатысып жатыр.
Осыған байланысты аталған іс-шараға 2023 жылы «Жаңа өзгерістердің 1000 көшбасшысы» жобасының алғашқы көшбасшы кадры Алма Оразбаева атындағы жалпы орта білім беретін мектебінің директоры Марал Тулекенова, Қараөзен мектеп-лицейінің оқу ісі жөніндегі орынбасары Әдемі Койшина, Қарасу жалпы орта білім беретін мектебінің тарих пәні мұғалімі Айсәуле Жумашева қатысып жатыр.
Қыдыр Харесұлы
Казталов ауданы
