Қазақстан Республикасының «Қазақстан Республикасындағы сайлау туралы» Конституциялық заңына сәйкес өкілеттілігі мерзімінен бұрын тоқтатылған Казталов ауданы Талдыапан ауылдық округі әкімінің сайлауы өтіп жатыр.
Сайлаушылар Талдыапан ауылдық округінің әкімі болуға үмітті кандидаттар арасынан өз таңдауын жасап, сайлауда дауыс беруде. Алғаш болып келген белсенді сайлаушыларға учаскелік сайлау комиссиялары тарапынан сыйлықтар ұсынылып, ілтипат көрсетілді.
Таңғы сағат 07.00-де Талдыапан сайлау округі бойынша 5 елді мекендегі №246, №249, №250, №252 сайлау учаскелерінде дауыс беру басталып, 22 учаскелік комиссия мүшелері кешкі 20.00-ге дейін сайлаушыларға қызмет көрсетеді.
Округ бойынша 689 сайлаушы дауыс беру құқығына ие.
Талдыапан ауылдық округінің әкімі болуға үмітті 3 кандидат та өзін-өзі ұсыну тәртібімен ұсынылған.
Қайрат Жақып
Казталов ауданы
