Әлеуметтік желіде тәрбиешінің баланы тепкен сәті түсірілген бейнежазба тарады. Оқиға 15 қаңтар күні «Зейнеп-Әмина» жекеменшік балабақшасында болған, деп хабарлайды Egemen.kz.
Сурет: Egemen.kz
«Жағдай Зейнеп-Әмина балабақшасының МАД-1 тобында болды. Бұл мекемедегі бірінші жағдай емес», дейді жазбаны жариялаған интернет қолданушысы.
Атырау облыстық полиция департаменті оқиғаға қатысты сотқа дейінгі тергеудің басталғанын хабарлады.
Сонымен қатар балабақша басшылығының айтуынша, құқық бұзушылық анықталғаннан кейін тәрбиеші еңбек заңнамасына сәйкес дереу жұмыстан босатылған.
