Тасқала ауданына қарасты Мереке ауылдық округінің әкімін сайлау науқанына ауыл тұрғындары таңмен келіп, дауыс беріп жатыр.
– Бүгін ауылымызда маңызды науқан әкім сайлауы басталды. Менде таңғы шәйімді ішпестен елдің болашағы үшін дауыс беруге келдім. Шүкір, ауылымызда біраз шаруалар жүзеге асып жатыр. Ең бастысы, ауылдағы ағайынның ауызбіршілігі бекем, сондықтан бірлік болса, тірлік те өнбек. Ауылда жасалып жатқан әрбір істің берекелі болатынына сенемін. Кандидаттардың сайлауалды бағдарламаларымен ақпарат құралдары арқылы етене таныстым. Онда үміткерлер сайлауалды бағдарламасына ауылдағы өзекті мәселелерді шешуді арқау еткен екен. Енді соның барлығы алдағы 4 жылда шешімін табуына жұмыс жасаса болғаны. Саяси науқан әділ, ешқандай тежеусіз, жақсы көңіл-күйде өтіп жатыр. Науқанды ауыл халқы болып абыроймен өткізуге тілектеспін, – дейді ауыл тұрғыны жетпістен асқан Дәмелі Маюкова.
