Шаштың көп түсуі – адам ағзасындағы ішкі өзгерістердің немесе сыртқы факторлардың белгісі. Бұл мәселені тереңірек түсініп, оған кешенді түрде қарау маңызды. Massaget.kz тілшісі сізге көмектесетін негізгі кеңестерді жинады.
Сурет: istockphoto.com
Қандай дәрумендер мен талдаулар тапсыру керек?
Шаштың түсуіне жиі әсер ететін дәрумендер мен минералдар жетіспеушілігін анықтау үшін мынадай анализдерді тапсыру ұсынылады:
Ферритин (темір қоры) – ең жиі себептердің бірі. Темір жетіспеушілігі анемия болмаса да шаштың түсуіне әсер етеді.
Витамин D – төмен деңгейі шаштың жұқаруы мен түсуіне әкеледі.
B12 дәрумені – жүйке жүйесі мен қан айналымы арқылы шаштың өсуіне ықпал етеді.
Цинк (мырыш) – шаш құрылымын нығайтады.
Қалқанша без гормондары (TSH, T3, T4) – гормоналды бұзылыс шаштың түсуіне тікелей әсер етеді.
Биотин (B7) – шаш пен тырнақтың саулығына жауапты. Бұл талдауларды трихолог немесе терапевт дәрігерінің кеңесімен тапсырыңыз.
Шашқа пайдалы тағамдар
Тамақтану – шаш саулығының іргетасы. Күнделікті рационда мына тағамдар болуы керек:
Қызыл ет, бауыр, жұмыртқа – темір мен B12-ге бай.
Балық (әсіресе лосось, скумбрия, тунец) – Омега-3 май қышқылдары мен ақуыздың көзі.
Асбұршақ, жасымық, ноқат – темір мен өсімдік ақуызы.
Жаңғақ, тұқымдар (ең жақсысы — асқабақ тұқымы мен күнжіт) – мырыш, биотин мен Е дәруменіне бай.
Жасыл көкөністер (шпинат, брокколи) – темір мен фолий қышқылы.
Сүт өнімдері, ірімшік, йогурт – кальций мен ақуыз көзі.
Су ішуді де ұмытпаңыз – шаштың ылғалдылығы үшін таза су өте маңызды.
Шаш күтімінің негізгі қағидалары
Не істеу керек: Сульфатсыз, жұмсақ сусабын таңдаңыз.
Шашты тым ыстық суда жумаңыз, бұл шаштың майлы балансын бұзады.
Аптасына 1–2 рет шашқа маска жасаңыз (табиғи майлар: арган, жожоба, кокос, репей майы жақсы әсер береді).
Шашты сулықпен сүртпеу, оның орнына жұмсақ сүлгімен ақырын кептіру.
Шашты ыстық фенмен жиі кептірмеу, табиғи түрде құрғату – ең пайдалы жол.
Неден сақтану керек:
Күнде шаш бояу немесе түзеткіш қолдану – шашты әлсіретеді.
Стресті басқармау – күйзеліс те шаш түсуін күшейтеді.
Қатаң диеталар – қажетті қоректік заттардың жетіспеуіне әкеледі.
Шашты ылғал күйінде тарау – сынғыштықты арттырады.
Қашан дәрігерге қаралу керек?
Шаш ерекше қарқынмен түсіп жатса (таңертең жастықта немесе тарағанда көп қалса);
Түйін-түйін болып түссе немесе бастың кей бөлігінде сиреп қалса;
Шашпен қатар тырнақ әлсіресе, тері құрғаса;
Созылмалы шаршау, көңіл-күйдің тұрақсыздығы байқалса.
Шаш – тек сұлулық емес, бұл ішкі саулықтың көрінісі. Дұрыс тамақтану, дәрумендерді тексеру және сауатты күтім – шаштың түсуін азайтып, оның қайта қалпына келуіне көмектеседі.
