12-13 маусым аралығында Бәйтерек аудандық мәдениет, тілдерді дамыту, дене шынықтыру және спорт бөлімі мен «ШЫҢ» сазды-драма театрының ұйымдастыруымен «Асыл ана – 2025» көпбалалы аналар байқауы өтті.
25 пен 45 жас аралығында бақ сынасқан ержүрек аналар 4 кезең бойынша өнерлерін ортаға салды. Жарыс барысында қойылым сомдалып, бейнеролик көрсетіліп, сұрақ-жауап айдары өткізілгеннен кейін, орамал тағу үлгісі назарға ұсынылды.
Көптің арасынан үздік деп танылған жаңақалалық 4 баланың анасы Амангүл Сисенова бас жүлдені жеңіп алып, 140 000 теңге қаржылай марапатқа ие болды. Сондай-ақ «Баламен шексіз байланыста болатын ана» номинациясы берілді.
Аудан намысын асқақтатқан, ақ орамалы басынан түспеген Амангүлді жеңісімен құттықтаймыз.
Ақерке Ғилымхан
Жаңақала ауданы
