Денсаулық сақтау министрлігі қарапайым, бірақ тиімді шараларды сақтау денсаулықты сақтауға және демалудан тек жағымды эмоциялар алуға көмектесетіні туралы жазды. Жазда қандай сақтық шаралары ерекше маңызды?
Күннің ең ыстық уақыты (сағат 11:00 мен 16:00) аралығында далада ұзақ болудан аулақ болыңыз.
Ашық түсті, жеңіл киім киіп, бас киімды ұмытпаңыз.
Су ішуді шөлдеуді күтпей бастаңыз.
Алкоголь мен тәтті газдалған сусындар дегидратацияны күшейтеді. Сондықтан олардан аулақ болыңыз.
Күннен қорғаныңыз!
Жоғары SPF деңгейі бар күннен қорғайтын кремдерді қолданыңыз, әсіресе жағажайда немесе таулы аймақта болғанда.
Күннен қорғайтын көзілдірік пен бас киім киіңіз. Күннен күйіп қалу — тек терінің зақымдануы ғана емес, болашақта тері обырының қаупін арттыратын фактор екенін есте сақтаңыз.
Суда қауіпсіздік шараларын сақтаңыз!
Тек арнайы рұқсат етілген орындарда шомылыңыз. Балаларды су жағасында қараусыз қалдырмаңыз. Су мен алкогольді бірге қолдану — аса қауіпті. Тіпті тәжірибелі жүзушілер де қиын жағдайға тап болуы мүмкін.
Тамақтану мен гигиена ережелерін сақтаңыз!
Жазда тамақ тез бұзылады. Жаз мезгілінде тек жаңа дайындалған тағамдарды тұтынып, оларды дұрыс жағдайда сақтау аса маңызды. Күмәнді жерлерде көшеде тамақтанудан аулақ болыңыз. Жолда немесе табиғатта жүргенде, тамақ ішер алдында міндетті түрде қолыңызды жуыңыз.
Жәндіктерден сақтаныңыз!
Кенелер мен масалар көп болатын аумақтарда репелленттер қолданыңыз. Табиғатқа шыққанда жабық киім киіп, серуеннен кейін денеңізді мұқият қарап шығыңыз.
Белсенді демалыс пен жазғы күндер пайдалы әрі қауіпсіз болуы үшін қарапайым ережелерді есте ұстаңыз.
