Бүгін Батыс Қазақстан облысындағы Белес станциясында «Саламатты Қазақстан» пойызының бригадасы жұмысын бастады, деп хабарлайды Бқо әкімінің баспасөз қызметі.
Бұл Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның «Samruk-Kazyna Trust» қорымен («Самұрық-Қазына» компаниялары атынан) және Қазақстан Республикасы Денсаулық сақтау министрлігімен бірлесіп жасаған бастамасының арқасында мүмкіндік беріп отыр.
Жоспар бойынша жұмыс пойыз бригадасының ауыл тұрғындарымен кездесуінен басталды. Жиынға Батыс Қазақстан облысы әкімі аппаратының бас инспекторы, облыс әкімі жанындағы әйелдер істері және отбасылық-демографиялық саясат жөніндегі комиссияның хатшысы - Т.Рогозина, Батыс Қазақстан облысының Полиция департаментінің Тұрмыстық зорлық-зомбылыққа қарсы күрес бөлімінің басшысы, облыс әкімі жанындағы Әйелдер істері және отбасылық-демографиялық саясат жөніндегі комиссия мүшесі- Д.Сатарова, Бәйтерек аудандық ауруханасының директоры - Т.Мұсағалиев, Бәйтерек аудандық ішкі саясат бөлімінің басшысы А. Темирбаев, Белес ауылдық округінің әкімі Б.Жүнісова және қоғамдық ұйым мүшелері, сондай-ақ пойыз ұжымы мен жергілікті тұрғындар қатысты.
Медициналық пойыздың аға дәрігері Ә.Саханова мен медиатор Ш. Шалғазина үйге жақын жерде диагностика мен ем алатын ауыл тұрғындарының денсаулығына әлеуметтік жобаның және жалпы пойыздың медицина саласына қосқан үлесін атап өтіп, қандай көмек көрсетілетінін түсіндірді. Жоғары білікті медиаторлар мен адвокаттар да ұжымның құрамында біраз жылдар бойы жұмыс істеп келеді. Ауыл тұрғындары оларға құқықтық және азаматтық мәселелер бойынша хабарласа алады. «Мобильді топтың» қызметін жылдар бойы пайдаланып келе жатқан Белес тұрғындары қамқорлық пен іскерлік пен кәсібилікке ризашылықтарын білдірді.
Таңғы сағат 9-да пойыз бірінші келген науқастарды қабылдай бастады.
Мобильді топ ағымдағы жылдың 7 және 8 шілдесінде Белес ауылында жұмыс істейді.
