Ғ.Құрманғалиев атындағы облыстық филармония әншілері және «Жастар Рухы» жастар қоғамдық бірлестігінің облыстық филиал жастарымен бірлесіп Абай Құнанбайұлының 180 жылдығына орай Орал қаласының қоғамдық көлігінде Абай әндерін шырқады.
Филармония әншілері мен өңір жастары Абай атамыздың ел аузында жүрген әндері «Бойы бұлғаң», «Желсіз түнде жарық ай», «Көзімнің қарасы», «Айттым сәлем, Қаламқас» секілді әндері шырқалды.
Айта кетейік, 10 тамыз күні сағат 20:30-да Қадыр Мырза Әлі атындағы облыстық мәдениет және өнер орталығының амфитеатрында Абай Құнанбайұлының 180 жылдығына арналған облыстық филармонияның концерті өтеді.
Айжан Бауыржанқызы,
ҚР Журналистер одағының мүшесі
