Терапевт, медицина ғылымдарының кандидаты Оксана Серебрякова суық тию мен пневмонияның айырмашылығын айтып берді, - деп хабарлайды Massaget.kz тілшісі lenta.ru-ға сілтеме жасап.
Фото: istockphoto.com
Дәрігердің айтуынша, суық тию (ЖРВИ/тұмау тәрізді) көбіне біртіндеп дамиды: алдымен мұрыннан су ағу, тамақ қышып, кейін құрғақ жөтел пайда болады. Дене қызуының шамамен 38°C-қа дейін көтеріледі. Серебрякова бұл белгілер әдетте аурудың алғашқы 2–3 күнінде күшейіп, 5–7 күнде басылатынын айтты.
"Ал пневмония (өкпенің қабынуы) ЖРВИ-ға қарағанда өте күрт басталуымен ерекшеленеді: дене қызуы жиі 39°C-тан жоғары көтеріледі, ылғал жөтел болып, қақырық шығуы мүмкін, ентігу, тыныс алғанда кеуде ауыруы, сондай-ақ, қалтырау, тершеңдік, әлсіздік байқалады, — деді дәрігер.
Ол қарт адамдарда және әлсіреген науқастарда қызба болмауы мүмкін екенін, бірақ оның орнына ентігу пайда болатынын нақтылады.
Дәрігер егер пневмонияны уақытында емдемесе, асқыну қаупі айтарлықтай артатынын ескертті: плеврит, өкпе абсцесі, тыныс жеткіліксіздігі, тіпті сепсис болуы мүмкін.
