ҚР Премьер-министрінің орынбасары – Ұлттық экономика министрі Серік Жұманғарин «QazExpoCentre-Pipe» ЖШС-да болды. Халықаралық стандартталған жіксіз болат корпустық және сорғы-компрессорлық, қаптама және жіксіз құбырлар дайындайтын кәсіпорында 200-ге жуық адам жұмыс істейді. Зауыттың өнімдері мұнай-газ саласына бағытталған. Жылдық қуаты 41 мың тонна.
Нарықта 20 жылға жуық тәжірибесі бар іргелі кәсіпорынның дайын өнімдері өзге өңірлерді айтпағанда алыс-жақын шет мемлекеттердегі жетекші кен игеру және сервистік компанияларға жеткізіледі.
Серіктестіктің атқарушы директоры Александр Безруковтың айтуынша өндіріс толық автоматтандырылған. Ол цифрландыру үдерісі, герметикалық және технологиялық тиімділікті арттыру бойынша жоба-жоспарды таныстырды.
Үкімет басшысының орынбасары зауыттың жұмысын оң бағалап, алдағы уақытта өндіріс көлемін ұлғайтудың маңызын атап өтті.
Фотоға түсірген: Мейірбек Тажқұранов
zhaikpress.kz
