Биылғы 1 шілдеден бастап жолаушылар пойыздарында жол жүру құнын айқындаудың жаңа тәртібі енгізіледі, деп хабарлайды Rail-news.kz «Жолаушылар тасымалы» АҚ мәліметіне сілтеме жасап.
Фото: Rail-news.kz
Көлік министрлігі бекіткен жаңа әдістемеге сәйкес, бұдан былай пойыздардағы төменгі және жоғарғы орындардың билет бағасы арнайы коэффиценттер негізінде бөлек-бөлек есептелетін болады.
Баға қалыптастырудың бұл тәсілі тарифтік жүйені әлдеқайда икемді ету үшін енгізіліп отыр.
Жаңа ереже жолаушыларға өз қажеттіліктері мен жайлылық деңгейіне қарай, қалтасына қолайлы орындарды еркін таңдауға мүмкіндік береді.
