Миға ең пайдалы көкөністер қайсы?

Диетологтар Эйвери Зенкер мен Йоханна Кац ми саулығына ең пайдалы көкөністерді атады, - деп хабарлайды Massaget.kz тілшісі.

Freshly picked organic fruits and vegetables on kitchen table. Preparing healthy vegetarian meal with juicy ingredients. Food to improve the inmune system.

Сурет: istockphoto.com

Эйвери Зенкердің сөзінше, миға ең пайдалы тағамдардың бірі - жапырақты көкөністер. Олардың қатарына қырыққабат, шпинат, руккола және салат жапырақтарының басқа да түрлері кіреді.

Маманның айтуынша, бұл көкөністердің құрамында ағзаға қажет магний, фолий қышқылы, темір, кальций, калий, А дәрумені, В9 дәрумені және К дәрумені мол.

Ал Йоханна Кац ми жұмысына брокколидің де пайдасы зор екенін айтты. Оның сөзінше, олардың құрамында қабынумен күресуге және ішек микробиомының тепе-теңдігін сақтауға көмектесетін сульфорафан деп аталатын биологиялық белсенді қосылыс көп.

"Брокколи өскіні - сульфорафанның ең қуатты табиғи көзі. Сондықтан олар піскен брокколиге қарағанда тиімдірек. Дегенмен екеуінің де ағзаға пайдасы бар", - деді Йоханна Кац.