Шыңғырлау ауданында ауыл шаруашылығы өнімдерінің жәрмеңкесі өтіп, жергілікті тұрғындарға сапалы әрі табиғи азық-түлікті нарықтағыдан төмен, қолжетімді бағамен сатып алуға мүмкіндік берілді.
Сауда сөрелеріне жергілікті шаруа қожалықтары мен кәсіпкерлер өндірген ет, сүт, табиғи бал, көкөніс және бақша өнімдері шығарылды.
Мұндай шаралар тұрғындардың күнделікті тұтыну тауарларына қолжетімділігін арттырып қана қоймай, ауыл еңбеккерлерінің өз өнімдерін делдалсыз, тікелей тұтынушыға ұсынуына жағдай жасайды.
Аудан жұртшылығы жергілікті өндірушілердің еңбегіне оң бағасын беріп, сауда қызу жүрді.
С. Өсәлім,
Шыңғырлау ауданы
