19 қыркүйек — Дүниежүзілік тазалық күніне орай Қазталов ауданында «World Cleanup Day» халықаралық экологиялық акциясы ұйымдастырылды.
Игі бастамаға аудан әкімі Асланбек Сарқұлов, ардагерлер, бөлімдер мен мекеме басшылары, мемлекеттік қызметшілер және жастар қатысып, елді мекен аумағын тазалауға атсалысты.
Акция барысында қоғамдық орындар мен көшелердің тазалығы ретке келтіріліп, тұрмыстық қалдықтар жиналды. Бұл қоршаған ортаны қорғауға деген жауапкершілікті арттырып, тазалықты күнделікті өмір салтына айналдыруға бағытталған маңызды қадам.
Тазалық – бір күндік науқан емес, ортақ мәдениет пен азаматтық жауапкершіліктің көрінісі. Сондықтан туған жердің ажарын сақтау, қоршаған ортаға ұқыпты қарау әр тұрғынның ортақ міндеті.
Жайна Қабиболла,
Қазталов ауданы
