«Алатау Жарық Компаниясы» АҚ электр желілерінде жұмыс істеу кезінде қауіпсіздікті арттыру және өндірістік жарақаттанудың алдын алу мақсатында өндіріске экшн-камераларды енгізуде, деп хабарлайды ҚР Энергетика министрлігі.
Фото: Minenergokz
Пилоттық жоба 2024 жылы басталса, қазіргі таңда қала мен облыстағы электр желілері аудандарының барлық жедел-көшпелі бригадасы осындай ақылды каскалармен толық жабдықталған. Алдағы уақытта шеберлер бригадаларын да осындай құрылғылармен қамту көзделген.
Камералар қауіпсіздік талаптарының сақталуын тікелей эфир режимінде бақылауға жол ашады. Жауапты мамандар мен басшылар ықтимал қатерлерді дер кезінде анықтап, қажет болған жағдайда жұмысты тоқтата алады. Сондай-ақ түсірілген бейнежазбалар жүйелі түрде талданып, анықталған олқылықтар бойынша қызметкерлерге қосымша нұсқамалар беріледі.
