Спорттық додаға аудан аумағындағы ауылдар мен көршілес аудандардан келген командалар қатысып, алаңда өзара мықтыны анықтады.
Бірнеше кездесу бойы жалғасқан тартысты ойындарда командалар жоғары дайындықтары мен алаңдағы шеберліктерін көрсетті. Нәтижесінде І орынды Қазталов ауданының командасы, ІІ орынды Сайқын ауылының командасы алды. Ал Қошанкөл ауылының командасына үшінші орын бұйырды.
Сонымен қатар турнир барысында жеке ойын өрнегімен ерекшеленген спортшылар да назардан тыс қалмады. «Үздік қақпашы» номинациясы Санжар Альбертовке, «Үздік қорғаушы» Керей Қайржановқа, «Үздік шабуылшы» Айбек Наурызғалиевке, ал «Үздік ойыншы» атағы Арман Көшербаевқа табысталды.
Жайна Қабиболла,
Қазталов ауданы
