Жаңақала ауданы орталығында 2001-2003, 2004-2006 жылы туған ұлдар арасында асық атудан аудандық жарыс өтті.
Жарыстың ашылу салтанатында аудандық мәдениет, тілдерді дамыту, дене шынықтыру және спорт бөлімінің басшысы А.Еслямғалиева, №3 қазақ орта мектебінің директоры Ә.Декартұлы сөз сөйлеп, қатысушыларға сәттілік тіледі. Бұдан кейін жарыстың бас төрешісі Қолғанат Серіков ойын ережесімен таныстырды.
Алты команда қатысқан ойын нәтижесінде жалпыкомандалық есепте оқушылар арасынан I орынды Жаңақала орта мектебінің 2006 жылы туған жас өрендері иеленсе, II орынды Сарыкөл ауылындағы Абай атындағы орта мектебінің өкілдері еншіледі. Ал III орын №3 қазақ орта мектебінің командасына бұйырды.
Жарыс соңында жеңімпаз командаларға диплом мен алғыс хаттар табыс етілді.
Алтынбек ЕРМЕКҚАЛИЕВ,
Жаңақала ауданы
