Бөрлі ауданы әкімі Санжар Жұматайұлы ауданның ардагерлерін жаңа жыл мерекесімен құттықтай барып, облыс әкімі Алтай Сейдірұлының құттықтауын жеткізіп, арнайы сыйлық табыстады.
-Батырлардың барында құрметін жасау біздің міндетіміз. Қатарлары жыл сайын кеміп жатқан ардагерлерді төбемізге көтеріп, жас буынға ерліктері мен жүректіліктерін насихаттау парыз. Өйткені, олар жеңіс жауынгерлері. Қалай десек те осы қариялардың қайсарлығының арқасында мамыражай күн кешіп отырмыз. Ақсақалдар қазына ғой, аман жүріңіздер. Елімізде бейбітшілік болсын, соғыс пен қан кешуден, аласапыраннан сақтасын,- деп тілек жолдады аудан басшысы Санжар Әлиев.
Ардагерлер де қуана көздеріне жас алып, рахмет айтып, бата берді.
Мейрамбек Сыдық,
Бөрлі ауданы
© zhaikpress.kz
Батыс Қазақстанның маңызды жаңалықтарын біздің Instagram және Telegram парақшамыздан алғашқы болып біліңіздер
