Елбасының "Болашаққа бағдар: рухани жаңғыру"атты мақаласы аясында Жаңақалада "Жастар-қоғамның жарқын болашағы" атты кеш өтті.
Ауыл жастарына қолдау көрсету, өнерге баулу, білім алуына ықпал ету, талантты жастарды анықтау мақсатында өтіп жатырған шырайлы кештің шымылдығын аудан әкімі Наурызбай Қарағойшин ашып, "Жастар жылы" аясындағы шараның мән-маңызына тоқталды.
- Жастар-жарқын болашақ бастауы. Ел ертеңі – жастардың қолында. Жастар - ел дамуының негізгі қозғаушы күші, еліміздің дүниежүзілік аренада бәсекеге қабілеттілігінің басты қағидаты, - деді аудан әкімі.
Айта кетелік, техникалық және кәсіптік білім беру колледжінде мәдениет пен әдебиетті, салт-дәстүрді дәріптеу негізінде өткізілген бұл кешті Сұлтан Абзалұлы мен Жанаргүл Ерболатқызы «Туған жер» әнімен ашып, «Әсем-ай» би тобы «Қазақ биімен» жалғады. Арайлым Сағынова орындаған «Туған ел» әні де көптің жүрегінен орын алды. Ал Жаңақала колледжінің фольклорлық ансамблі күй күмбірлетсе, Ақтоты Бисекенова термені төгілтіп, ән сүйер қауымды бір желпінтті.
Шара соңы колледж ұстаздарының орындауындағы Өмірзақ Ақбасовтың сөзіне жазылған ҚР Мәдениет саласының үздігі Ерлан Сатыбаевтың «Жаңақалам-гүл қалам» әнімен қорытындыланды.
Шыңғыс Ромашев
Жаңақала ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
