14.08.2023, 12:15
Оқылды: 85

Кәсіпкерлікті дамыту жөніндегі ұлттық жоба: қанша адам жұмыспен қамтылды?

Осы жылғы 1 тамыздағы мәліметке сүйенсек, 2021 – 2025 жылдарға арналған кәсіпкерлікті дамыту жөніндегі ұлттық жобаға 444,2 мың адам қатысқан. 300,6 мың адам жұмыспен қамтылып, оның 152,2 мыңы тұрақты жұмысқа орналасқан. Бұл туралы Қазақстан Республикасының Еңбек және халықты әлеуметтік қорғау министрлігі хабарлады.

жоба

Субсидияланатын жұмыс орындарына 148,4 мың адам орналастырылды. Оның ішінде әлеуметтік жұмыс орындарымен 15,5 мың адам, жастар практикасымен 12 мың адам, қоғамдық жұмыстармен 103,2 мың адам, «Алғашқы жұмыс орны» жобасы аясында 5,4 мың адам, «Ұрпақтар келісімшарты» жобасы аясында 199 адам, «Күміс жас» жобасы аясында 12,1 мың адам жұмыспен қамтылды.

Еңбек нарығында сұранысқа ие дағдылар бойынша онлайн оқытумен 31,5 мың жұмыссыз қамтылды, оның ішінде 28,7 мыңы оқуды аяқтады.

Сондай-ақ, «Бастау Бизнес» жобасы бойынша кәсіпкерлік негіздеріне оқытумен 102,9 мың адам қамтылды, оның ішінде 77,4 мың адам оқуды аяқтап, сертификаттар алды.

Қызмет саласын таңдау мақсатында 81,6 мың адам әлеуметтік кәсіптік бағдарлаудан өтті.

Бұдан басқа, 2023 жылы Ұлттық жоба шеңберінде 400 АЕК (1 380 000 теңге) мөлшерінде жаңа бизнес-бастамаларды іске асыру үшін 9 мың грант беру көзделген. Жыл басынан 5317 грант берілді.

Узнайте первым о важных новостях Западного Казахстана на нашей странице
в Instagram и нашем Telegram - канале