Еліміздің 8 қаласында аутизм спектрі бұзылған және басқа да писхикалық ауытқуы бар балаларға арналған күндізгі орталықтар ашылады. Бұл жайында Еңбек және халықты әлеуметтік қорғау вице-министрі Назгүл Сағындықова орталық коммуникациялар қызметінде өткен брифингіде мәлім етті, деп хабарлайды ҚазАқпарат.
«Қамқорлық бастамасының аясында «Самұрық-Қазына» ұлттық әл-ауқат қорының қолдауымен аутизм спектрі бұзылған және басқа да психикалық ауытқуы бар балаларға арнап 8 күндізгі оңалту орталығын ашу жоспарланған. Олар Ақтөбе, Жетісу, Жамбыл, Шығыс Қазақстан облыстары мен Қостанай, Павлодар, Астана, Шымкент қалаларында бой көтереді», - деді ол.
Айтуынша, қазірдің өзінде жоспардың бір бөлігі орындалған.
«Биыл сәуірде Шымкент пен Павлодарда осындай орталықтардың ресми ашылуы өтті. Талдықорған қаласында кеше ашылды. Бүгін осындай орталық Өскемен қаласында жұмысын бастады», - деді Назгүл Сағындықова.
27.10.2022, 16:30
3.04.2022, 10:20
16.09.2021, 11:21
