"Dalmatinko Cup" турнирінің үшінші ойын күні "Ақжайық-2012" босниялық "SF Sparta" командасының жас ойыншыларымен күш сынасты.
Осыған дейінгі ойындарда жеңіліп көрмеген қос команда арасындағы ойын тең дәрежеде өрбіді. Матч бойы бір-бірден гол соққан қарсыластар 1-1 есебімен тең тарқасты.
"Ақжайық" сапында гол соққан Арман Алтымбек.
Осылайша турнирдің 1/8 финалына жолдама иеленген "Ақжайық-2012" жарыстың бұл кезеңінде Словения елінің "NK Domzale" клубымен кездеседі.
Аталмыш турнирде "Оқжетпес" және "Астана" клубтарының жас ойыншылары да өнер көрсетті.
Өкінішке орай "Оқжетпес" топтан шыға алмады. Ал астаналықтар қосымша көрсеткіш арқылы 1/8 финалистері қатарын толықтырды
Түгелбай Бисен,
zhaikpress.kz
