Бүгін сағат 16:57 де Теректі ауданының аумағында, Федоровка-Ақсай тас жолының 30-ыншы шақырымында Придорожная кенті маңында шатырлы ГАЗель автокөлігі өртке оранды, деп хабарлады БҚО төтенше жағдай департаментінің баспасөз қызметі.
Оқиға орнына БҚО Төтенше жағдайлар департаментінің 1 техникасы мен жеке құрамынан 4 адам жұмылдырылды.
Тілсіз жау 18:00 де сөндірілді. Абырой болғанда қаза болғандар мен зардап шеккендер жоқ.
2022 жылдың өткен кезеңінде облыста автокөлікте болған 59 өрт оқиғасы тіркелді. (2021 жылы - 50).
Автокөліктегі өрттің негізгі себебі - электр сымдары мен электр жабдықтарының қысқа тұйықталуы, сондай-ақ көлік құралдары иелерінің қарапайым қауіпсіздік ережелерін сақтамауы.
Төтеншеліктер барлық жүргізушілерді автокөліктегі қауіпсіздік шараларын сақтауға шақырады.
zhaikpress.kz
