17.11.2026, 15:00
Оқылды: 27

Батыс Қазақстанда жол апатынан екі адам мерт болды

Батыс Қазақстан облысында екі адамның өліміне соқтырған жол апаты болды, - деп жазады Kazinform. 

Bus crashed into a wall

Сурет: istockphoto.com

БҚО полиция департаментінің баспасөз қызметінен мәлім еткеніндей, 15 қараша күні шамамен сағат 18.09-да Жымпиты-Қособа автожолында Hyundai Solaris және ВАЗ-2110 автокөлігі соқтығысқан.

Алдын ала мәлімет бойынша анықталғанындай, Hyundai Solaris автокөлігінің жүргізушісі қарсы бетке шығып кетіп, ВАЗ-2110 автомобилімен түйісуге жол берген.

Жол апаты салдарынан ВАЗ-2110 автокөлігінің жүргізушісі мен жолаушысы оқиға орнында жан тапсырды.

Hyundai Solaris жүргізушісі мен екі жолаушысы медициналық мекемеге жеткізілді.

- Аталған дерек бойынша сотқа дейінгі тергеу амалдары жүргізілуде. Күдікті сот санкциясымен қамауға алынды. Басқа ақпарат тергеу мүддесінде ҚР Қылмыстық-процестік кодексінің 201-бабына сәйкес жариялауға жатпайды, - деп хабарлады ведомстводан.

Тұрғындардың сөзіне қарағанда, марқұм болған екі ер адам Ақжайық ауданы Сайқұдық ауылында тұрған. Соңдарында шиеттей балалары қалды.

Узнайте первым о важных новостях Западного Казахстана на нашей странице
в Instagram и нашем Telegram - канале