ҚР Спортты дамыту дирекциясының баспасөз қызметінің мәліметінше, Үндістанның Бангалор қаласында 3-13 қыркүйек аралығында «Global Chess League» халықаралық шахмат лигасының төртінші маусымы өтіп жатыр.
Фото: DRSQazaqstan
Әлемнің үздік шахматшылары мен Үндістанның беделді ойыншылары бас қосқан аталмыш бәсекеде алты команда жылдам шахмат бағдарламасы бойынша өзара мықтыны анықтауда.
Қазақстан атынан бұл жарысқа қатысып жатқан Бибісара Асаубаева «Fyers American Gambits» командасының сапында өнер көрсетуде. Сегіз турдың қорытындысы бойынша отандасымыздың командасы 2-орында тұр.
Жарыстың шешуші кезеңі аясында 11 және 12 қыркүйекте 9-шы және 10-шы турлар, ал 13 қыркүйекте финалдық бәсекелер өтеді.
