27.04.2021, 12:52
Оқылды: 173

БҚАТУ-дың спортшы арулары

Жәңгір хан атындағы Батыс Қазақстан аграрлық-техникалық университетінде үлкен жарыстарда өңір намысын қорғап жүрген спортшы қыздар аз емес. Бұл жолғы жеңіс жалауын Риза Сүлейменова мен Виолетта Филиппова желбіретті.

30526D22-004D-40D3-BAFF-79C0D11D0EC7

Риза Сүлейменова – университеттің «Экономика, ақпараттық технологиялар және кәсіби білім беру» институтының «Бастапқы әскери дайындық және дене шынықтыру» мамандығының 1-курс студенті. Ол 22-25 сәуір аралығында Семей қаласында самбо күресінен өткен 2001-2002 жылы туған жастар (қыздар) арасындағы ҚР чемпионатында жүлделі 2-орынды иеленді. Риза ел чемпионатында 72 келі салмақ дәрежесінде өз бағын сынап, жүлдегерлер сапынан көрінді.

8D9841C4-EACC-492C-BE37-0D68EC5C43F4

Виолетта Филиппова да «Бастапқы әскери дайындық және дене шынықтыру» мамандығы бойынша 2-курста білім алуда. Ол – БҚО-ның «Грация-KZ» волейбол командасының құрамында өз шеберлігін көрсетіп жүрген ойыншы. Батысқазақстандық волейболшы қыздар жуырда Тараз қаласында өткен жоғары лигадағы әйелдер құрамасы арасындағы волейболдан Қазақстан Республикасы ХХІХ чемпионатында жеңімпаз атанғаны белгілі. Құрамында өз шәкірттері өнер көрсетіп жүрген батысқазақстандық волейболшы қыздардың жеңісіне Жәңгір хан университетінің ұжымы да қуануда.

Университеттің медиа-орталығы

 

 

 

Узнайте первым о важных новостях Западного Казахстана на нашей странице
в Instagram и нашем Telegram - канале