20.11.2018, 11:12
Оқылды: 73

БҚО-да автокөлік жылқылармен соқтығысты

Орал-Ақсай жолы бойында «Фольксваген Шаран» автокөлігі жылқылармен соқтығысты, деп хабарлайды ҚазАқпарат тілшісі.

20181120114224

Оқиға кеше кешкісін Теректі ауданы Долинный ауылы маңында, аудан орталығы Федоровтан 24 шақырым жерде орын алды.

Аудандық полиция бөлімі жергілікті полиция қызметі бастығының орынбасары Бауыржан Сұпығалиевтің айтуынша, Орал мен Ақсайдың арасында такси есебінде жүретін автокөлік жол бойына шығып кеткен бес жылқымен түйісіп, соның үшеуі мерт болды. Қалған екеуі де мертіккен. Адамдар аман. Жеңіл-желпі жарақат алған.

Қазіргі кезде малдың кімге тиесілі екені анықталуда. Алдын ала мәліметке қарағанда, автокөлік қалпына келтіруге келмейді.

Облыстық денсаулық сақтау басқармасының баспасөз хатшысы Айнагүл Сақпосынованың сөзіне қарағанда, санавиацияға шақырту сағат 20.05-те түскен. Федоровтан құрамында хирург, анестезиолог-реаниматолог, фельдшер бар бригада оқиға орнына жетті. Автокөлікте болған үш адам зардап шеккен. Олардың екеуі жедел жәрдем келгенге дейін басқа көлікке отырып, кетіп қалған.

Ал 1975 жылғы ер адам кеудесінен жеңіл жарақат алған, мойны көгерген. Ауруханаға жатудан бас тартқан оған сол жерде көмек көрсетілді. Айта кетейік, жол бойында малдың жиі жүретіні белгілі. Әсіресе, жылқы қараңғы мезгілде түскен жарыққа қарсы шабады.

DTP (1) DTP (2) DTP (3)

zhaikpress.kz

Батыс Қазақстанның маңызды жаңалықтары біздің Instagram және Telegram-парақшамызда. Жазылыңыздар!

 

Узнайте первым о важных новостях Западного Казахстана на нашей странице
в Instagram и нашем Telegram - канале