Оралдықтар Абай атындағы алаңда 1 мамыр - Бірлік күнін тойлауда.
130-дан астам этнос өкілі тұратын еліміз үшін бүгінгі мерекенің мәні ерекше. Достық пен татулықты ту еткен өңір халқы алаңға жиналып, мереке көркін қыздырып жатыр.
Мерекелік кеш өңір басшысының құттықтауымен ашылды.
"Құрметті жерлестер, сіздерді бүгінгі шуақты мерекемен құттықтаймын. Біздің өңірде 80-нен астам этнос өкілі тату-тәтті өмір сүріп жатыр. Біз достығымыз бен татулықты ту етіп облыстың дамуына жұмыстанып келеміз. Біздің халықтың бірлігі арқасында еліміз көп қиындықты жеңіп келеді. Еліміздің жаңаруына әрқайсыңыздың қосқан үлесіңіз бар.
Бүгінгі мереке құтты болсын" деді аймақ басшысы мерекелік құттықтауында.
Мереке жергілікті өнерпаздардың концерттік бағдарламасына ұласты.
Жанат Көшкінбай,
zhaikpress.kz
