Бүгін ҚР Конституциясына өзгерістер енгізу бойынша бүкілхалықтық референдумды қолдау жөніндегі облыстық штаб төрағасы және мүшелерінің қатысуымен конституциялық реформаларды түсіндіру және ұйымдастыру жұмысына қатысу мәселелері бойынша референдумды қоғамдық қолдау жөніндегі облыстық штабтың брифингі өткізілді.
Брифинг барысында Қазақстанның азаматтық қоғамының белсенді өкілдері референдумды қоғамдық қолдаудың республикалық штабына топтасқанын атап айтты.
Облыстық штаб төрағасының айтуынша, Конституциялық түзетулердің мағынасы мен ережелерін түсіндіру, олардың Қазақстанның одан әрі дамуына қандай ықпал етуге қабілетті екенін жеткізу үшін еліміздің барлық өңірлеріндегі халықтың түрлі топтарымен белсенді жұмыс жүргізілетіндігін жеткізді.
Сондай-ақ штаб референдум кезінде облыстық қоғамдастықты топтастыру үшін жұмыс істейтін болады.
«Біздің қатарымыз облысымыздың ірі үкіметтік емес ұйымдары өкілдерін, ғалымдарды, блогерлер мен журналистерді, жастар мен ардагерлер қауымдастығын, этномәдени орталықтардың жетекшілерін біріктіреді. Штаб құрылды, себебі біз ұсынылған конституциялық өзгерістердің бағыттарын толық қолдаймыз»,- деді облыстық штаб төрағасы Табылғали Сапаров.
Сонымен қатарибарша қазақстандықтарды белсенді азаматтық ұстаным танытып, республикалық референдумда дауыс беруге қатысуға шақырды.
zhaikpress.kz
