Көкшетау шорт-тректен ел кубогін қабылдады. Сағат тіліне қарсы жүгірген конькишілер бәсекесінде бақ сынаған облыс спортшылары жақсы нәтиже көрсетті.
Алдымен 5000 метрлік эстафетаға шыққан өңір спортьшылары алдына жан салмай, алтыннан алқа тақты. Жеңімпаз атанған облыс құрамасы сапында Әлішер Абылқатымов, Әділ Қырымгереев, Ерасыл Шыңғысхан, Мерхат Тұрарбеков Мақсат Уәлиолла және Мадияр Мадихов сынды шорт-трекшілер болды. Ал Гүлнұр Ғаниева, Наргиз Омарова, Гүлбағым Қали және Гүлім Марат төрттігі 3000 мтерлік эстафетада күміс медаль еншіледі.
Одан бөлек жекелей сында 1000 метр қашықтықта бақ сынаған Ерасыл Шыңғысхан күміс иеленсе, осы қашықтыққа шапқан қыздар бәсекесінде Наргиз Омарова чемпион атанды. 500 метрде Мақсат Уәлиолла қола, 1500 метр қашықтықта өнер көрсеткен Наргиз Омарова тағы да чемпиона атанды.
Түгелбай Бисен,
zhaikpress.kz
