Еуропаның 11 елінің президенттері Ресейден Украинадағы азаматтық нысандарға шабуыл жасауды дереу тоқтатуды талап етті, - деп хабарлайды Tengrinews.kz тілшісі Польша президентінің ресми сайтына сілтеме жасап.
Болгария, Чехия, Эстония, Венгрия, Латвия, Литва, Польша, Румыния және Словакия, сондай-ақ Солтүстік Македония мен Черногория кіретін "Бухарест тоғыздығы" елдері Ресейдің Украинаға жасаған жаппай зымырандық шабуылдарын айыптады. Бірлескен мәлімдемеде олар Мәскеуден азаматтық нысандарға шабуыл жасауды дереу тоқтатуды талап етті.
"Біз өз мемлекеттеріміздің атынан Ресейден азаматтық нысандарға шабуыл жасауын дереу тоқтатуды талап етеміз. Біз жасалып жатқан қылмыстарға кінәлілерді жауапқа тарту әрекетін тоқтатпаймыз", - делінген құжатта.
Сондай-ақ халықаралық құқық мұндай шабуылдарды әскери қылмыс деп санайтынын түсіндірді.
"Соғыс қылмыстары мен адамзатқа қарсы қылмыстардың ескіру мерзімі жоқ және ол бүкіл әлем бойынша соттардың юрисдикциясына жататынын еске саламыз", - делінген хабарламада.
Мемлекет басшылары Ресей өкілдерінің ядролық қаруды қолдану қаупін қабылдауға болмайтынын атап өтті.
"Осы тұрғыда біз өз елдеріміз бен одақтастарымызды қорғауға деген адалдығымызды растаймыз", - делінген құжатта.
15:1421.04.2023
Ресейдің Белгород қаласында жарылыс болды
9:5921.04.2023
СІМ Ресейде «Вагнер» жасағының құрамына кірген қазақ студентіне қатысты мәлімдеме жасады
15:0023.01.2023
Өзбекстан мен Ресейде пияз қымбаттаған соң, экспортқа шектеу қойдық – Ербол Қарашөкеев
13:0010.01.2023
Елімізден Ресейге шығарылған көлік саны 60 есе артқан
21.04.2023, 15:14
21.04.2023, 9:59
23.01.2023, 15:00
10.01.2023, 13:00
