ҚР ҰОК мәліметінше, Қазақстан Республикасы Ұлттық Олимпиадалық комитетінің басшысы Геннадий Головкин Ислам ынтымақтастығы спорт қауымдастығының (ISSA) вице-президенті болып сайланды.
Фото: olympickz
Сауд Арабиясының Таиф қаласында өткен 15-ші Бас ассамблея барысында ол Азия және Еуропа өңірлеріне жауапты вице-президент ретінде 2026-2029 жылдарға арналған Атқарушы комитет құрамына енді.
Айта кетейік, бұл халықаралық ұйымның президенті болып Сауд Арабиясының спорт министрі, ханзада Абдулазиз бин Турки Әл-Фейсал қайта сайланды.
Еске сала кетсек, Геннадий Головкин 2024 жылдың ақпанынан бері ҚР ҰОК президенті қызметін атқарып келеді, ал 2025 жылдың қарашасында World Boxing ұйымының басшысы болып сайланған еді.
