ҚР Мәдениет және ақпарат министрлігінің хабарлауынша, қайырымдылық саласындағы құрметті атаққа үміткерлерден құжат қабылдау басталады.
Фото: madenietaqparat
Бұл марапат елдегі қайырымдылықты, волонтерлікті, туған өлкені қолдауға бағытталған әлеуметтік жобаларды дамытуға, сондай-ақ халықтың әлеуметтік осал топтарына, төтенше жағдайдан зардап шеккендерге, емделуге мұқтаж жандарға және ғылым, білім, мәдениет, жануарларды қорғау салаларына елеулі үлес қосқан азаматтар мен ұйымдарға беріледі.
Өтінімдер 1 тамыз бен 1 қыркүйек аралығында электрондық пошта арқылы (a.isimbayeva@mki.gov.kz) немесе Мәдениет және ақпарат министрлігінің кеңсесіне қолма-қол да, пошта арқылы да қабылданады.
Конкурсқа қатысуға қатысты сұрақтар бойынша 8 (7172) 74-03-11 және 74-06-74 телефон нөмірлеріне хабарласуға болады.
