Осыған байланысты Орал қалалық №1 ХҚО бөлімінде қандас мәртебесін тағайындау қызметіне арнайы қабылдау «терезесі» ұйымдастырылды. Жыл басынан бері 9 ай ішінде Батыс Қазақстан облысы бойынша 76 азамат қандас мәртебесін алуға өтініш тапсырса, соңғы он күнде 53 адам қабылданған.
ХҚО бөліміне жүгінген кезде клиент қандас мәртебесін беру (ұзарту) туралы өтініш, автобиография, туу туралы куәлік, төлқұжат тапсыруы керек. Қызмет 3 жұмыс күнінде көрсетіледі. Сондай-ақ, бұл қызметті eGov порталы арқылы да алуға болады.
P.s. Қандас - бұрын Қазақстан Республикасының азаматтығында болмаған, тарихи отанына келген және тиісті мәртебе алған этникалық қазақ және (немесе) оның қазақ ұлты отбасының мүшелері.
БҚО ХҚО-ның баспасөз қызметі
