ҚР Мәдениет және ақпарат министрлігінің баспасөз қызметі хабарлағандай, 2026 жылғы шілде-қазан айлары аралығында ел аумағында бірлік пен қоғамдық келісімді нығайтуға бағытталған «Бірлікке үн қосқан» республикалық этномәдени бірлестіктер фестивалі ұйымдастырылады.
Фото: gov.kz
Екі кезеңнен тұратын ауқымды шараның алғашқы легі барлық өңірде және республикалық маңызы бар қалаларда іріктеу байқаулары ретінде өтеді. Жеңімпаздар қазан айында Астанада Республика күніне орай ұйымдастырылатын қорытынды Гала-концертке қатысуға жолдама алады.
Байқау қатысушылары «Үздік шығармашылық ұжым», «Үздік аспаптық шығарма», «Үздік орындаушы», «Қазақ тіліндегі үздік орындаушы» және «Үздік хор ұжымы» атты бес номинация бойынша бақ сынасады.
