ҚР Ұлттық статистика бюросының деректеріне сүйенсек, 2026 жылдың қаңтарында еліміздің барлық облысы мен Астана, Алматы, Шымкент қалаларында ересектер арасында темекі тұтыну деңгейін анықтау мақсатында кезекті жыл сайынғы сауалнама жүргізілді.
Фото: pixabay.com
Зерттеуге 15 жастан асқан 12 мың үй шаруашылығының өкілі қатысты. Сауалнама нәтижесі бойынша Қазақстан халқының 15,1%-ы темекі шегеді. Бұл көрсеткіш өткен 2025 жылмен (17,5%) салыстырғанда 2,4 пайыздық тармаққа төмендегенін көрсетеді.
Зерттеу деректеріне сәйкес, темекі тұтыну көрсеткіші қалаға қарағанда ауылдық жерлерде жоғары — тиісінше 14% және 17,8%. Ал гендерлік тұрғыдан алғанда, ерлердің 30,5%-ы, ал әйелдердің тек 4,9%-ы зиянды әдетке әуес. Сонымен қатар темекі шегетін азаматтардың басым көпшілігі, яғни 98,6%-ы өнеркәсіптік әдеттегі темекіні таңдаса, 0,9%-ы «IQOS», «GLO» сияқты темекіні қыздыру құрылғыларын, 0,4%-ы электронды темекілерді (вейп), ал 0,1%-ы темекі өнімдерінің басқа да түрлерін тұтынады.
