Ішкі істер министрлігінің ресми өкілі Нұрділдә Ораз жарылғыш зарттар мен оқ-дәрі тауып алған жағдайда не істеу керектігін айтты, деп хабарлайды ҚазАқпарат тілшісі.
«Жарылғыш материалдар мен оқ-дәрілер тауып алған жағдайда оларға тиіспеу керек және тасымалдауға болмайды. Мұндай жағдайда азаматтардан жазатайым оқиғалар мен жарақаттанудың алдын алу үшін полицияға «102» немесе «112» телефондары бойынша хабарлауды сұраймыз», - деді ІІМ ресми өкілі.
Оның сөзіне қарағанда, қаңтар айындағы оқиғалар кезінде қылмыскерлер қару-жарақ дүкендерінен, құқық қорғау және арнайы органдардың ғимараттарынан атыс қаруы мен оқ-дәрілерді ұрлап әкеткен.
«Олар заңсыз мақсаттарға пайдаланылып, сондай-ақ азаматтардың өмірі мен денсаулығына зиян келтіруі мүмкін. Қару мен оқ-дәрілерді заңсыз сақтағаны үшін қылмыстық және әкімшілік жауапкершілік қарастырылғанын атап өту қажет.
Естеріңізге сала кетейін, заңсыз сақталған қаруды, оқ-дәрілерді және жарылғыш заттарды өз еркімен тапсырған адамдар, егер олардың әрекеттерінде өзге қылмыстар болмаса, жауапкершіліктен босатылады.
Осыған байланысты ІІМ азаматтарды заңсыз сақталған қаруды, оқ-дәрілерді, жарылғыш заттарды және арнайы құралдарды өз еркімен тапсыруға шақырады», - деді Нұрділдә Ораз.
17:3020.02.2023
27 мыңнан астам әйел көмекке жүгінді
14:3213.02.2023
Полиция “Plus capital” қаржы пирамидасынан зардап шеккендерді іздестіріп жатыр
16:4616.01.2023
Шетелдік көлікті заңдастыру қанша тұрады?
14:3010.01.2023
Боран, көктайғақта жол жабылғанда полицияға бағынбағандар қанша айыппұл төлейді?
20.02.2023, 17:30
16.01.2023, 16:46
