Сұйытылған газдың қолданыстағы шекті бағасын 2023 жылдың шілдесіне дейін қалдыруды көздейтін бұйрық жобасы талқылануда, деп хабарлайды ҚазАқпарат тілшісі.
Сурет: ҚазАқпарат
Құжат қабылданса жанар-жағармай стансаларындағы сұйытылған газдың бағасын реттеу тетігі 2023 жылдың 30 маусымына дейін ұзармақ.
Қазір қолданылып жүрген 5 шілдедегі бұйрық бойынша, сйұытылған газдың шекті бағасы Астана үшін литріне 70 теңге, Алматы үшін 65 теңге және өңірлер үшін 50-ден 75 теңгеге дейін деп белгіленген.
Өңірлердегі бағаға жеке тоқталсақ, солтүстіктегі шалғай аудандарда баға 75 теңгеден, батыстағы мұнай мен газға бай аудандарда 50 теңгеден бекітілген.
2023 жылдың 1 қаңтарына дейін күшінде болған. Енді оны тағы 6 айға ұзарту ұсынылып отыр.
Құжат 12 желтоқсанға дейін көпшілік талқылауында болады.
