Қасиетті болса да, қасіретті даламызды мекендеген киік атты сұлулықтың баудай түсіп қырылған кезі көп. Сосын да Үкімет ақбөкендерді, яғни киікті 2006 жылы "Қызыл кітапқа" енгізді. Ал халқымыз ешқандай мораторийсіз-ақ "киелі" деген бірауыз сөзбен әлмисақтан киікті қыруға (назар аударыңыз, атуға немесе аулауға емес, жаппай қыруға!) тыйым салып қойған.
Киіктің киесіне ілігіп, обалына қалғандардың қандай тағдырға ұшырағандары туралы небір-небір қорқынышты әңгімелер бар.
Еті дәмді де жеңіл, адал жануар саналатын кәсіптік аң – киіктің бір азайып, бір көбейіп жүріп, тұқымы түгел құрып кетпей, бүгінге дейін аман жетуі – халқымыздың табиғатты түсінетіндігінің һәм шектен аспайтындығының бір куәсі. Бірақ "ерке-ерке" деп жүріп, сол киікті басына шығарып алғандай да болып тұрғанын жасырып қайтейік. Иә, бірақ бүгінгі қыр қазағының "бас ауруының" бірі – осы киік.
Толығырақ облыстық «Орал өңірі» газетінің 2021 жылғы 13 сәуірдегі №29 санынан Қазақстан Жазушылар одағының мүшесі, Казталов ауданының құрметті азаматы Дариға Мұштанованың «Киік-киік» деп жүріп...» атты мақаласынан оқи аласыздар!
zhaikpress
